Во изминативе денови пожарникарите-спасители од ТППЕ Струмица интервенираа при гаснење на пожари на депониите во Добрашинци и Гечерлија. Сето тоа како што наведуваат струмичките пожарникари на ФБ бара голем ангажман, трошат вода, гориво, опрема и човечки ресурси кои во секој момент може да бидат потребни за спасување човечки животи и имот
„Горењето на отпадот ослободува штетни и токсични гасови кои го загадуваат воздухот, ја загрозуваат животната средина и претставуваат сериозен ризик за здравјето на граѓаните. Дополнително, постои опасност пожарите да се прошират кон обработливи површини, шуми и објекти. Апелираме до сите граѓани да постапуваат совесно, да не палат отпад и навремено да пријавуваат забележан пожар. Само со заедничка одговорност можеме да ја заштитиме природата, здравјето и безбедноста на сите“, стои во објавата на ТППЕ Струмица
Од таму белат дека тие се подготвени за секакви интервенции но превенцијата започнува од секој од нас.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
