Општина Струмица упати известување до жителите на Габрово кои имаат штети од завчерашното невреме проследено со пороен дожд, ветар и град да поднесат Барање до Комисијата за проценка и утврдување на висината на штетата настаната од природни непогоди до 20 ти јули.
Барањето може да се подигне во просториите на Општина а истото може да се симне преку линк на општинската веб страна.
Со бараљњето треба да се поденсе комплетна докуметнација и тоа
– Имотен лист на име на Барателот (не постар од 6 месеци), Договор за закуп (доколку постои право на закуп) или Решение за оставинска постапка.
– Изјава заверена на Нотар дека објектот, имотот, односно оштетеното не се осигурани во осигурителна компанија.
– Копија од лична карта и трансакциска сметка од Барателот.
– Оштетено/уништеното – ако е објект мора да го има запишано во Имотен лист, ако е земјоделско земјиште во Имотен лист мора да е запишано како нива, ако станува збор за овоштарник во Имотен лист треба да е запишано како овоштарник. Во спротивно барањето нема да се разгледува, односно нема да се изврши проценка на штета.
Комисијата ќе постапи по поднесените Барања согласно законските прописи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
