Ноќниот клуб „Аватар” од Струмица утринава е затворен од страна на Државниот пазарен инспекторат. Клубот ќе биде затворен се додека не се донесат протоколи за начин на работа на ноќните клубови.
ДПИ веќе изрече парични казни во висина од 2.500 евра за правниот субјект и уште 500 евра за одговорното лице.
Инспекторите во петокот навечер извршија контрола на клубот и подготвија записник, а за вчера најавија и кривична пријава до јавното обвинителство заради непочитување на здравствени прописи за време на епидемијата на Ковид-19.
Од менаџментот на „Аватар” во неделата посочија дека работат како кафе бар и на отворено и дека се придржувале до сите протоколи и прописи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
