Турската општина Умраније која брои околу 800 илјади жители ќе донира детски забавен парк за најмладите граѓани на општина Василево. Ова најава доаѓа како резултат на посетата на првиот човек на Василево Славе Андонов на ова општина каде се сретна со градоначалникто на Умраније Исмет Јилдирим. На средбата се разговарало за можната соработка во иднина и на други полиња со оглед дека во ова општина живеат голем број иселеници од општина Василево
,,Општина Умраније ќе донира детски забавен парк за нашите најмлади граѓани. Разговаравме за нашите надлежности, актуелните проблеми и предизвици со светската криза, скапата цена на горивата и електричната енергија , кои се нашите сличности а што е она што не разликува како локални самоуправи,, објави Славе Андонов
Градоначалникот на Василево заедно со преставникот од Советот Живко Атанасов на покана на повеќе организации се во работна посета на Турција каде завчера беа дел од настанот организиран од Фондацијата за истражување на турскиот свет а беа остварени и средби со првите луѓе на фондацијата ,,Saadat Pinar,, а остварија контакти и со преставници од законодавната и извршната власт на Азербејџан.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
