Стартуваа мечевите од Третата фудбалска лига Исток на Македонија која брои 12 екипи. Три се од струмичкиот регион и тоа Тиверија од Струмица, Хоризонт Турново и новајлијата Огражден од Ново Село. Две екипи партиципираат од Валандoво и тоа Победа но и Ударник од Пирава а од Дојран е тимот на Дојранско езеро .
Дебитантот во Третата лига екипата на Огражден од Ново Село мечевите ги стартуваше со победа. На свој терен славеше против Дојранско езеро со 3:0. Роберт Јанев, Александар Черкезов и Спасе Терзиев беа стрелци за новоселчани. Тиверија пак на гостувањето кај Овче поле претрпе висок пораз од 11:0 додека Хоризонт Турново кај Брегалница Делчево ремизираше 3:3. Васко Коцев, Васко Трајков и Александар Коцев беа стрелци за тимот од Турново.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
