Струмичката полиција односно СВР Струмица со општествено одговорни компании ќе дели дополнителна опрема со која дрвосечачките машини ќе ги исполнат нормативите на Законот за безбедност на сообраќајот за да можат во сезоната на сечење дрвја да ја извршуваат дејноста. Вака најави првиот човек на СВР Струмица Дејан Ефтимов кој подвлече дека овој проект се прави со цел да не се скрати егзистенцијата на оваа категорија граѓани кои се актуелни за време на дотур на огревни дрва до домаќинствата. Станува збор за дополнителна приклучна опрема конкретно приколки кои дрвосечачите ќе ги добијат бесплатно а на кои може да се монтираат дрвосечачките.
„Проектот треба да се финализира наредните денови. Пак ќе повторам тој проект го правиме благодарение на општествено договорни компании кои ќе донираат машини на кои ќе се монтираат дрвосечачките, за да можат луѓето и да ги исполнат условите од Законот за безбедност во сообраќајот и да можат да си ја вршат својата дејност и да ги прехрануваат своите семејства“, кажа началникот на СВР Струмица Дејан Ефтимов
Десетици граѓани од струмичкиот регион секоја есен со импровизирани машини вршат сечење на огревно дрво, за кои реагираат останатите учесници во сообраќајот. Меѓу учесниците е и Невзат Јакупов во Струмица, кој веднаш тргнува доколку здогледа камион полн со огревнни дрва што се носат кај одредено домаќинство. Наплаќа по 300 до 400 денари за кубик. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
