Тешка сообраќајка кај Удово валандовско – едно лице почина три повредени, соопшти МВР

878

Утрово на патниот правец Јосифово – Удово општина Валандово се случила сообраќајка меѓу две патнички возила во која едно лице почина а три се повредени, соопшти МВР. Несреќата се случила на месноста викана ,,Расадник’’ при што на лице место починал 33 годишен жител од Удово кој го управувал возилото ,,ауди’’ додека возачот на останатото возило ,,рено меган’’ исто така од Удово се здобил со тешки телесни повреди.  Со повреди поминале и двајцата сопатници во возилото ,,ауди’’.

,,На 31.07.2021 во 03.30 часот во СВР Струмица било пријавено дека на регионалниот пат с.Јосифово-с.Удово, на место викано „Расадник“, се случила сообраќајна незгода помеѓу патничко возило „ауди“, со валандовски регистарски ознаки, управувано од Т.Г.(33) од с.Удово и патничко возило „рено меган“, со валандовски регистарски ознаки, управувано од З.М.(43) од с.Удово. На местото на незгодата починал Т.Г., додека З.М. се здобил со тешки телесни повреди, констатирани во Медицински центар Гевгелија. Сопатниците во возилото „ауди“, С.П.(23) и И.Н.(23), двајцата од с.Удово, се здобиле со телесни повреди, констатирани во Здравствен дом Струмица. Увид на местото извршиле екипа на СВР Струмица и Јавен обвинител, по чија наредба телото на починатиот е предадено на обдукција,, соопшти МВР.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.