ЈП „Комунален сервис“ – Валандово ја извести јавноста дека во водата за пиење од градскиот водовод е утврдено зголемено ниво на арсен, покажале анализите извршени од Институтот за јавно здравје – Скопје.
Поради тоа, од претпријатието препорачуваат водата од градскиот водовод во Валандово да не се користи за пиење сѐ до добивање нови резултати кои ќе потврдат дека е безбедна. До тогаш, водата може да се користи исклучиво како техничка.
Од ЈП „Комунален сервис“ – Валандово информираат дека веќе се преземаат сите неопходни мерки, а во соработка со надлежните институции се вршат дополнителни анализи и контроли на квалитетот на водата.
За сите наредни резултати и препораки, јавноста ќе биде навремено информирана. Од претпријатието апелираат граѓаните да ги почитуваат препораките и да не ја користат водата за пиење сѐ додека официјално не биде потврдено дека е исправна и безбедна за употреба.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
