Со мобилната амбуланта направени околу 1400 прегледи во општина Ново село, проектот заврши !

1019

Речиси 1400 прегеди реализираа двете лекарски екипи со мобилната амбуланта во општина Ново Село за изминатите шест месеци во рамките на проектот „Мрежа за примарна здравствена заштита“ кој е финансиран преку Интеррег ИПА Програмата за прекугранична соработка „Грција – Република Северна Македонија“. Ова беше кажано на завршната конференција во Бориево каде присутните се информираа за постигнатите резултати од овој проект. Направени се околу 1320 прегледи по населените места во ова општина но и околу 70 домашни посети на болни и изнемоштени лица.

,,Беше планирано да направиме околу 600 прегледи заради пандемијата но еве реализиравме околу 1300. Работевме според сите протоколи за заштита како од наша така и од страна на пациентите. Она што беше најважно во овој период е што населението освен што се прегледуваа се едуцираа и добиваа совети од нас и за пандемиајта. За 6 месеци двете екипи направија околу 1400 лекарски прегледи но и  домашни посети кај болни и изнемоштени лица,,кажа д-р Митко Манчев

Целта на проектот беше да се подигне степенот на примарна здравствена заштита во одалечените населени места каде живее повозрасно население. Туше Стојанов смета дека ова е пример кој може да се имплементира и во други средини

,,Со овој проект беа набавени две специјални амбулантни возила едно возило на македонска и едно на грчка страна со кое медицински тимови одеа по населените места за да пружат здравствена заштита. Преку проектот беа ангажирани двајца лекари, медицинска сестра , социјален работник, возач и ИТ инженер кои одеа по селата. Бозилата поседуваше апарати за мерење крвен притисок, спирометар, инструменти за мерење шекер, триглецириди и холесторол во крвата, оскиметар, два типа на ЕКГ и ЕХО ултразвук,, кажа Туше Стојанов

Проектот,, Мрежа за примарна здравствена заштита,, беше финансиран од Програмата за прекугранична соработка меѓу Грција и Македонија. На македонска страна го реализираа општина Ново Село и здружението Феникс додека од грчката општина Ираклеа и Инситутот ,,Демокритос’’.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.