Општина Василево го доби универзалниот ровокопач за одржување патишта и канали а ќе го користат и Босилово и Ново Село

1065

Стаса универзалниот ровокопач кој го доби општина Василево преку Проектот за подобрување на општински услуги – МСИП, кој го спроведува Министерството за финансии. Попладнево машината беше донесена пред ЈП Турија во Василево која ќе служи и за потребите на општините Босилово и Ново Село. Станува збор за универзална машина, која локалните власти ќе можат да ја користат за одржување на патишта, посебно на полските, чистење на канали, зимско одржување на локални улици и патишта.

,, Со оглед на фактот дека одржувањето на патиштата, посебно на полските и чистењето на каналите се редовно на агендите на секоја од нашите три општини, овој ровокопач доаѓа во општини каде несомнено ќе биде максимално искористен и ангажиран. Како локални самоуправаи  ние веќе имаме план на активности како користењето би било – рамноправно од страна на сите партнери и би се постигнала оптимална искористеност на машината и секако, масимални ефекти и резултати на терен’’, истакна градоначалникот на Василево Марјан Јанев кој од свое име и трите општини упати благодарност до Владата, ЕУ и Светска Банка кои овозможија овие три локални самоуправи да добијат машина вредна околу 60 илјади евра

Универзалниот ровокопач наизменично ќе се користи од трите општини  Василево, Босилово и Ново Село односно нивните три комунални претпријатија по определен временски период согласно договорот меѓу нив. Секоја од нив ќе има одговорност да се грижи за време на користењето иако ова машина ќе се води во регистарот на општина Василево бидејки тие се носители на проектот пред донаторите.

Ваква машина добија и општините Радовиш и Конче кои заедно со Карбинци штипско заеднички аплицираа пред министерството за финансии

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.