Да бидеме дисциплинирани и да ги почитуваме препораките против коронавирусот, апелираа од ЛД ,,Фазан’’ од Василево

738

ЛД ,,Фазан’’ од Василево упатија апел до сите свои членови но и вљубеници кон ловџиството како од регионот така и од Македонија да се придржуваат кон владините мерки и да бидат примерни и дисциплинирани, се со цел да се спречи ширењето на коронавирусот. Велат дека само сплотени и единствени со почитување на препораките може да се сузбие и оваа болест како што се сплотени во борбата против сите болести кои го уништуваат дивечот.

,, Сите треба да разбереме дека сепак се зависи од нашата општествена свест и дека ние сме главните преносители на овој подмолен вирус. Ајде луѓе во вакви моменти да оставеме се, да дадеме максимална подршка на тие што се борат да го запрат ширењето на болеста бидејќи на крајот од се, некој го ризикува својот живот за да спаси нечиј друг живот. Ајде да го дадеме нашето максимално од нас, знам дека можеме, знам дека ако сакаме можеме да успееме и да бидеме дисциплинирани. Многу луѓе, наши родители, браќа, сестри, пријатели и другари се борат и прават максимални напори за здравјето на сите. Ајде и ние да помогнеме и еднаш како никогаш досега да ги послушаме и да седеме дома а со тоа да ги заштитеме нашите и нивните најмили,, стои во апелот од сегашниот и поранешниот претседател на ЛД ,,Фазан’’ од Василево Ице Стоев и Зоран Јанев.

Во ЛД ,,Фазан’’ од Василево членуваат поеќе стотина ловџии кои водат грижа за дивечот на териториите кои ги имаат под концесија а организираат и повеќе турнири. Сметаат дека во овие тешки времиња потребно е да се почитуваат препораките и мерките од здравствените власти во државата се со цел побрзо стопирање на ова болест која е од светски размери

,, Како што се бореме против сите болести кои го уништуваат дивечот, да се избореме и против оваа која бавно и подмолно го уништува човештвото’’ стои во апелот од ЛД ,,Фазан’’ од Василево.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.