Вкупно 24 лица од Струмица, Радовиш, Валандово и Гевгелија биле затекнати од страна на униформирани полициски службеници, надвор од своите домови за време на синоќешниот полициски час, на територијата што го покрива СВР Струмица, ни изјавија од Министерството за внатрешни работи. Против сите тие лица ќе бидат превземени соодветни пријави, бидејки не ја почитувале забраната за движење во периодот од 21,00 до 06,00 часот што ја издаде Владата.
Како што не информираа од МВР станува збор за 12 лица од Струмица, 7 од Валандово, 4 од Радовиш и едно од Гевгелија. Инаку завчера вечер, исто така за време на полициски час, две лица од радовишко Калуѓерица беа затекнати како ја прекршуваат забраната.
Министерот за внатрешни работи Наќе Чулев на својот ФБ профил објави дека во текот на втората вечер вкупно 133 граѓани во земјава не ја почитувале забраната за движењето на територијата на Република Македонија. Привидени биле вкупно 26 лица, а против 33 лица се поднесени соодветни кривични пријави, за 3 лица ќе бидат поднесени прекршочни пријави. Вкупно опоменати биле 71 лице.
Во саботата Владата донесе одлука за воведување на полициски час односно забрана за движење на граѓаните во периодот од 21,00 до 06,00 часот. Со дополнување на владината одлука од вчера, полицискиот час од денес има измени во поглед на времетраењето но и термините кога ќе може да излегуваат повозрасните лица над 67 години но и помладите.
Јавното обвиителство завчера ги соопшти казните за непочитување на полицискиот час како за физички така и за правните лица. Право на движење за време на полицискиот час имаат лица кои ќе добијат дозвола од државните органи за работа но и лица за итни здравствени случаи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
