Викендов со благослов на Н.В.П д-р. Киро Стојанов, бискуп Скопски и епарх Струмичко-скопски, по повод пасторалната посета на Папата Фрањо на Македонија, во парохијата Успение на Пресвета Богородица во Нова Маала поставени се четири метални крста на различни локации објави порталот Католици.МК
Според порталот, по неделната света Литургија, во присуство на верниците, крстовите изработени од претседателот на црковниот одбор Костадин Ристов а бојадисани од Даниел Митев, ги благословил парохот о. Спасо Ристов а потоа се поставени на четири локации во Нова Маала. Првиот е поставен пред Домот на културата во ова село, вториот во близина на црквата, третиот во т.н. Горна Маала и четвртиот на гробиштата. Откако беа поставени крстовите, на секое место се молеше Света Бројаница пишува Католици.МК
Поглаварот на Римокатоличката црква државата ќе ја посети на 7 мај а канцеларијата за печат при Светиот Престол неодамна ја објави програмата за посетата на Папата Фрањо во Северна Македонија, при што ќе го посети Скопје, родниот град на света Мајка Тереза.
,,После официјалниот пречек, папата Фрањо ќе се сретна со претседателот Ѓорге Иванов, како и со премиерот Зоран Заев. За време на својот престој во Северна Македонија, Светиот Отец ќе се сретне со верските лидери и со сиромашни лица. Во програмата за апостолско патување на Папата Фрањо во Северна Македонија е предвидено Светиот Отец да служи света Литургија, а потоа да присуствува на екуменска и меѓурелигиска средба со млади,, се вели во соопштението од канцеларијата за печат при Светиот Престол
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
