Струмичката полиција против 22 годишен жител од Богданци ќе поднесе кривична пријава откако вчера кај крстосницата за населените места Миравци и Милетково излетало од патот па побегал а во возилото ,,фолсфаген пасат’’ со бугарски регистарски ознаки биле пронајдени 13 мигранти од Бангладеш. Како што информираа од полицијата возилото биле забележано на регионалниот пат Гевгелија -Дојран на крстосницата Ѓавато при што полициските службеници од станицата за граничен премин и граничен надзор Богородица се упатиле по него
,, Вчера во 12.30 часот на регионалниот пат Гевгелија-Дојран, на крстосница „Ѓавато“, полициски службеници забележале патничко возило „фолксваген пасат“ со бугарски национални ознаки во кое се превезувале поголем број на лица и кое се движи од Богданци кон Гевгелија. Полициските службеници со возило се упатиле кон него. На крстосницата Гевгелија возилото се вклучило на автопатот кон Скопје, а на крстосницата с.Миравци–с.Милетково, поради неприлагодена брзина, излетало од патот. После тоа, возачот побегнал. Во возилото биле понајдени 13 лица мигранти од Бангладеш кои биле приведени во Полициска станица за граничен премин и граничен надзор Богородица. Набргу потоа, возачот бил пронајден и предаден во СВР Струмица. Се работи за Б.Ј.(22) од Богданци. По целосно документирање на случајот, против него ќе биде поднесена соодветна пријава,, стои во информацијата од МВР
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
