Советот на Општина Богданци ја усвои Стратегијата за климатски промени на Општина Богданци која содржи сеопфатна и одржлива рамка за ублажување на последиците и прилагодување на климатските промени. Станува збор за документ изработен од Здружението Полимат 13 до Богданци кои даваат препораки но и предлози што да се превземе и да се имплеменитра во наредниот период со цел да се прилагоди животот на се поизразените климатски промени но и да се ублажат последиците но и како да се дејствува за да се намалат ефектите за овие промени
Како што не информираа од Полимат 13 клучните развојни цели на кои се фокусира стратегијата се локалното земјоделско производство, водата, енергетската ефикасност и одржлив развој на културата и природните вредности.
„Мерките предвидени во стратегијата се однесуваат на заштита и унапредување на локалното земјоделско производство со примена на иновативни и климатско паметни практики преку обезбедување на еднаков пристап до ресурси, обуки и поддршка за жените и мажите. Потребно е да се обезбеди еднаков и сигурен пристап до вода за сите жители преку одржливо, ефикасно и праведно управување со водните ресурси. Преку паметно користење на обновливи извори на енергија до постигнување на енергетска ефикасност во домаќинствата и јавните објекти во општина Богданци. Обезбедување на одржливо користење на природните и културните вредности во функција на развој на локалниот туризам исто така е во фокусот на оваа стратегија“, ни изјави Надица Маџирова од Здружението
Стратегијата за климатски промени на општина Богданци опфаќа период од 2026 до 2033 година, период во кој е потребно да се вклучат повеќе чинители за да може сите мерки да се реализираат успешно. Општина Богданци како институција и ПОЛИМАТ 13 во наредниот период активно ќе работат на полето на заштита на животната средина и климатски промени. Паралелно заеднички ќе соработуваат за обезбедување на потребните средства за имплементација на дел од мерките.
„Ефектите од примена на мерките од стратегијата би се виделе во постигнувањето на климатски отпорна заедница, а најголемото влијание би било врз здравјето на луѓето, регулирање на недостатокот на вода за земјоделците, отпорност на екстремните временски услови, подобро справување со пожарите,намалување на емисијата на стакленички гасови “, ни изјави Маџиров
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
