Љупка Вртева, добитничка на признанието „Инженерка на годината 2023“ во Словенија, е избрана меѓу 12-те инженерки во светот кои треба да ги познавате во 2026 година, во рамките на престижниот меѓународен избор Women Engineers You Should Know – 2026, организиран од Society of Women Engineers (SWE) – најголемата светска организација за поддршка и поврзување на жените во инженерството.
Во образложението за изборот, SWE особено го истакнува нејзиниот придонес во областа на енергетската ефикасност. Како овластена и развојна инженерка, Вртева учествувала во оптимизацијата на потрошувачката на топлинска и електрична енергија во 73 јавни објекти низ Словенија, со што се постигнати околу 10 GWh годишна заштеда на енергија и намалување на емисиите за речиси 4.000 тони CO₂ годишно.
Таа има значаен придонес и во развојот на вентилациски систем наменет за подобрување на квалитетот на воздухот и енергетската ефикасност во училиштата, а нејзината работа претставува пример за успешно поврзување на техничката експертиза и општествената одговорност.
Ова меѓународно признание ја потврдува нејзината исклучителна професионална работа и претставува уште една потврда дека словенечкото знаење и инженерската извонредност се препознаваат и ценат и на глобално ниво.
Foto: Barbara Reya
Оригинална објава од изборот од Америчката меѓународна организација
https://swe.org/magazine/
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
