Членовите на ФА „Мегдан“ од Богданци со своите кореографии им ги стоплија срцата на Хрватите во општина Калиновац . Тие викендов таму настапија во рамките на програмата „Граѓани, еднаквост, права и вредности (CERV) – Збратимување на градови“ финансирана од ЕУ. Ова програма има за цел градење пријателска соработка меѓу Македонија и Хрватска преку песна и танцови игри.
Проектот за пријателство е инициран помеѓу Општина Калиновац и Општина Богданци во Северна Македонија и претставува можност за запознавање со културното наследство, обичаите, песната и танцот на две пријателски земји. Бројните посетители уживаа во богатата културно-уметничка програма, а гостите од Богданци беа запознаени и со природните убавини на Калиновац и неговата околина.
Градоначалникот на општина Калиновац, Дарко Собота, им се обрати на сите присутни и му се заблагодари на Здружението СУМА, кое ѝ помага на општина Калиновац во подготовката и спроведувањето на проектот.
На церемонијата присуствуваа потпретседателот на Хрватскиот парламент и градоначалник на градот Копривница, Мишел Јакшиќ, жупанскиот префект на Копривничко-крижевската жупанија, Томислав Голубиќ и градоначалникот на општина Богданци, Блаже Шапов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
