Општински комунални инспектори денеска извршиле вонреден инспекциски надзор на улицата „Антон Панов“ во Струмица која е детектирана како локација каде најчесто се врши нелегално складирање, постапување и трговија со отпад. Таму се затекнати три физички лица со две товарни моторни возила, натоварени со голема количина на отпад од стари електрични предмети од домаќинство. Отпадот бил наменет за понатамошно расклопување заради екстракција на металите кои ги содржат, со цел стекнување со противправна парична корист. Лицата се добро познати на инспекциските служби бидејки вршеле нерегистрирана дејност откуп на стари предмети од домакинства без да имаат дозвола.
„Земјаќи во предвид дека затекнатите лица имаат извршено неколку последователни временски поврзани дејствија, и тоа што содржината на отпадот е таква што при неговата манипулиација како нус појава е отстранувањето на изолациониот материјал (полиуретанска пена) кој го содржат електричните апарати од домаќинство, кој материјал е во категоријата на опасен отпад, и чие несоодветно фрлање врши загадување на животната средина од поголем обем претставува потенцијална опасност за појава на пожари при кои се ослободуваат исклучително токсични гасови, вклучувајќи јаглероден моноксид и водороден цијанид , и влијае кон директно нарушување на животот и здравјето на луѓето“, стои во известувањето од Општина Струмица
Од таа причина е побарано присуство на инспектор од Одделението за криминалистичка полиција-отсек за економски криминалитет од Биро за јавна безбедност – СВР Струмица, со цел утврдување на постоење на елементи на сторено кривично дело
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
