Како најдобар тим од источното второлигашко фудбалско натпреварување кое се прекина, струмичка Беласица од идната сезона се враќа во Првата лига. Така одлучи УО на ФФМ која заради новонастанатата ситуација со вирусот КОВИД-19 донесе одлука екипите кои беа први во источното и западното второлигашко друштво да станат прволигаши. Ова значи дека догодина Првата фудбалсkа лига на Македонија ќе брои 12 екипи а во Струмица повторно ќе има два прволигаши.
,,We are back ’’ Вака по социјалните мрежи објавуваа фудбалерите на Беласица откако УО на ФФМ ја донесе одлуката за проширување на Првата лига со најдобрите два тима од двете втори лиги, иако и без да се прекине првенството сино белита постојано атакуваа и претендираа да бидат Шампиони во Втората лига Исток и директно да се најдат во елитата. Беласица по 16 одиграни меча беа лидери во источното друштво со вкупно 40 бода. На своето конто имаа 13 победи, едно реми и 2 пораза. Тие речиси во целото првенство беа лидери
Стратегот Ване Милков во интервју за Дрнка.МК пред стартот на вториот дел од првенството кажа дека Беласица има силна екипа за камбек во елитата. Работеа одговорно и сериозно пристапуваа на секој меч во намерата да ја вратат Беласица во Првата лига. Не ги поколебаа како што напиша Јорде Серафимовски ниту медиумските ,,фаврозирања’’ на штипска Брегалница и Тиквеш од Кавадарци. Тој на својот пост напиша дека ,,синобелите’’ од ден на ден, функционирале како колектив и докажале дека на Беласица местото и е во елитата
,,Иако пред почетокот на првенството во 2 МФЛ Исток сезона 19/20,многу скептици во нашиот ТИМ гледаа потценувачки,понижувачки,се исмеваа на фактот дека БЕЛАСИЦА оваа сезона ќе ја има најмладата екипа досега со просечна возраст од 21-22 години , млад и “неискусен”тренер, ни ставаа аутсајдерска улога дури некои се дрзнаа да коментираат дали ќе обезбедиме опстанок!!! Како одминуваше времето до почетокот на сезоната,момците во плаво бело се повеќе и повеќе сплотени, се повеќе и повеќе веруваа дека ќе ја исполнат својата цел, враќањето на Беласица таму каде што припаѓа. Со голема поддршка и верба од Стручниот штаб, од претседателот Славчо Васков и најверните наши поддржувачи,кои беа со нас и во најтешките и најсветлите моменти тоа и го остваривме,ја вративме БЕЛАСИЦА во 1 МФЛ,, напиша Јордан Серафимовски на својот профил
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
