Тројца повредени во судар на трактор и три возила кај Ново село – струмичко

1059

Три лица се повредени во синоќешниот верижен судир на патот Струмица- Ново село кај месноста ,,Леска” кај Самоилово информираат од полицијата. Незгодата се случила околу 20 часот и во истата учествувале трактор ,,ИМТ 539” управуван од жител од Ново Село и возилата ,,Форд фокус” со бугарски регистарски ознаки управувано од жител од Секирник,  ,,Мерцедес” управувано од жител на Струмица и патничко возило „Фолксваген Шаран“ со бугарски  регистарски ознаки, управувано од жител на Петрич, Република Бугарија.

Сеуште не се познати причините за синоќешната сообраќајка во која возачот на тракторот се здобил со потешки повреди и  по укажаната лекарска помош со амбулантно возило бил пренесен на скопските клиники. Со телесни повреди се здобиле возачот на возилото „Форд Фокус“ и сопатникот во истото возило од Струмица. Заради сообраќајката синоќа од 20:10 до 23:40 часот патниот правец од Ново село до Граничниот премин беше во прекин за сообраќај

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.