Државната изборна комисија го отфрли приговорот на опозициската ВМРО ДПМНЕ за гласањето на предвремените локални избори за избор на градоначалник на Ново Село. Според нив, бројот на гласачките ливчиња и потписите се совпаѓаат така што нема да се прегласува на гласачкото место во Сушица за каде опозиционата ВМРО ДПМНЕ достави приговор
Според опозициската партија, бројот на гласачки ливчиња во избирачкото место 1789 наводно не се совпаѓал со бројот на потписи во избирачкиот список, меѓутоа од ДИК констатираа дека има совпаѓање меѓу ливчињата и потписите. Воедно, ДИК побара да се разреши избирачкиот одбор и Општинската изборна комисија за ова гласачко место поради хаосот што го направиле во записникот за изборниот ден.
Со отфрлањето на овој приговор ДИК потврди дека нов градоначалник на Ново Село е Никола Андонов која на вториот изборен круг освои 19 гласа повеќе од кандидатот на ВМРО ДПМНЕ Николче Стоилков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
