Василево обезбеди стотина метални контејнери за отпад – ќе се постават низ сите села во општината

2500

Општина Василево преку УНДП обезбеди стотина контејнери за отапд и домакински смет кои ќе бидат дистрибуирани по сите населни места во ова општина. Контејнерите се доделени на ЈПКД ,,Турија” и истите се со зафатнина од со зафатнина од 1,1 мкои главно ќе бидат лоцирани во непосредна близина на јавните објекти, претпријатија и установи, каде што има поголема фреквенција на население а не се покриени со соодветни садови за собирање на отпад.

,,Целта е да се зголеми капацитетот на ЈПКД „Турија“ со тоа што преку поставување на контејнерите  кои се со поголем волумен ќе створи услови за собирање на смет на јавните површуни односно онаму каде што собирањето на смет не е опфатено. Пред се овде се мисли на места пред јавните објекти каде има поголема фреквенција на луѓе а  пред кои поради недостигот нема поставени канти за смет.  Се надеваме дека целта ќе биде постигната па отпадот ќе завршува таму каде што треба а не на дивите депонии и просторот околу нас, со што сите заедно ќе придонесеме за почиста  и поздрава животна средина“, изјави градоначалникот на општина Василево Марјан Јанев, кој присуствуваше  на денешната достава на контејнерите на ЈПКД „Турија“

Вкупниот Буџет изнесува 26 000 евра и истиот е грант обезбеден од фондовите на Европската Унија преку Програмата за развој на Обединетите нации – УНДП преку проектот „Подобрување на општинското владеење“ а преку УНДП се реализираат уште два проекти  заштитата на животната средина, и тоа изградба на систем за фекална канализација во с. Едрениково и Прочистителна станица во истото населено место, чиј вкупен буџет изнесува нешто повеќе од 400 000 евра.

„Во овој момент , од име на општина Василево и ЈПКД „Турија“ изразувам благодарност до сите кои беа вклучени во реализацијата на проектот  а посебно до УНДП  со кои општина Василево, на задоволство  и бенефит на граѓаните,  има долга и успешна соработка“, рече Јанев

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.