Вкупно 10 манифестации и настани организирани од општини и граѓански здруженија во Југоистокот ќе добијат финансиска помош од Министерството за земјоделство, шумарство и водостопанство за оваа 2023 година. Министерот Љупчо Николовски ги додели договорите за финансиска поддршка во поглед на организација на истите кои имаат за цел да промовираат одредени земјоделски култури, локални обичаи, домашна храна, природни убавини.
На листата кои ќе добијат парична помош се општините Василево за Ден на празот, Ново Село за манфиестацијата ,,Компиријада“ додека општина Босилово за првпат кој годинава планира да организира ,,Ајверијада 2023“.
Во Радовиш поддршка ќе добијат: Здружението Здрава Еко долина за манифестацијата ,,Меден Радовиш 2023, Здружението Виножито од Подареш за манифестацијата ,,Пченка лупенка“ но и Здруженнието Блесок од Радовиш за жетварскиот обичај ,,Од зрно Погача“.
Во Богданци помош ќе добие здружението Еко росалес, во Валандово СОУ,, Гоце Делчев“ за манифестацијата што првпат ќе се одржи годинава ,,Есенски златни бои, преточени во Валандовски плодови“, во Струмица здружението Проагро Фармери за ,,Агросаем Струмица 2023“ додека во Гевгелија поддршка има за манифестацијата ,, Пчеларски ден знаење и дружење“ организиран од Македонско здружение за заштита на автохтоната Македонска Медоносна пчела од Негорци Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
