Членовите на Доброволното противпожарно друштво Струмица извршија наводнување на садниците од чемперс и црн бор кои минатата година беа засадени во рамките на проектот ,, Едукација во средните училишта за шумски пожари – Да се едуцираме за пожари да ја заштитиме природата“ што го поддржа Општина Струмица. Ова е втор пат како ги наводнуваат садниците кои имаат пуштено коренов систем и се во вегетација.
„За нас, ова не е само обврска, туку и порака дека секое засадено дрво заслужува грижа за да прерасне во силно и здраво стебло. Само така можеме да создадеме зелена иднина и да придонесеме кон зачувување на природата. Како доброволни пожарникари, знаеме колку е важно да ги чуваме шумите и зелените површини. Затоа нашата мисија не е само да се бориме со пожарите, туку и да вложуваме во превенција и обновување на природата.“, стои во објавата на ДПД Струмица
Како што е познато, лани во ноември ДПД Струмица во соработка со повеќе институции и училишта а во рамките на проектот што го подржа Општина Струмица, реализираа акција за пошумување на локалитетот „Чамчифлик“ кога засадија околу 1200 садници чемперс и црн бор. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
