Во понеделник во Општина Ново Село најмладите со нивните родители ќе имаат можност да се качат на балон на топол воздух, кој ден претходно ќе лета од манастирот Свети Ѓоргиј до стадионот кај спротската сала во Ново Село. Таму балонот ќе биде фиксиран со сајли кои ќе се дозволува подигање до 20 тина метри и панорамски преглед на општинскиот центар. Предност ќе имаат учениците од општината со своите родители. Тие ќе ја имаат први привелигијата да бидат дел од овој едукативен авантуристички настан кој ќе биде бесплатен и отвара нова врата за развој на туризмот во Ново Село.
Одлуката за овој проект беше донесена од страна на Советот. Ќе се реализира од страна на Здружението Македонски авантуристички дисциплини МАД од Скопје кое ги има сите сертификати и дозволи за прелети и безбедно летање на балони со топол воздух од надлежните институции во земјава. Проектот ќе се реализира во две фази. Првата е викендов кој ќе има едукативен карактер и преку летото кога иселениците ќе бидат присутни во родниот крај.
Летање ќе нема доколку временските услови не го дозволат тоа.
Основните училишта од Општина Ново Село веќе објавија дека во понеделник ќе има воннаставни активности односно едукативен час за и околу летањето балон со топол воздух. За таа цел се повикани и родителите на учениците да присуствуваат бидејки без нив учениците ќе немат можност да прават панорамски преглед со балонот кој ќе биде фиксиран со сајли на стадионот.
Како што кажа градоначалникот на Ново Село Ѓорге Божинов целта на овој проект е да се збогати понудата со нови туристички содржини во Општина Ново Село која станува се поатрактивна за гостите. Планот е во иднина на териотријата на општината да се одржува Фестивал со повеќе балони на топол воздух кои ќе привлечат голем број туристи и посетители не само од земјава туку и од странство. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
