Прогласена епидемија на жолтица во ПОУ Климент Охридски во Ново Село, школото ќе биде затворено 15 дена

2708

Прогласена епидемија на заразна жолтица во Посебното основно училиште ,,Климент Охридски” во Ново село каде се школуваат  50 тина деца со попречености а дел од нив се сместени и во училишниот интернат. Центарот за јавно здравје од Струмица издаде наредба, училиштето во наредните 15 дена да биде затворено бидејки досега се регистрирани вкупно 11 пациенти кај кого е откирен вирусот хепетитис А. Ваква одлука е донесена со цел да не се прошири болеста бидејки во ова установа има вкупно 80 лица вклучувајки го тука и целиот персонал кој се грижи за децата

,, Првиот случај на вирусот Хепатитис А е откриен минатиот месец, вториот се појави на почетокот на април. Беа дадени инструкции за зголемена дезинфекција и упатства како да се зголеми хигиената бидејки станува збор за деца кои тешко примаат укажувања но минатат недела се појавија нови 9 случаи меѓу кои и една воспитувачка. Донесовме  одлука да се затвори училиштето за да  не се прошири ова пренослива болест бидејки  таму има  80 тина лица деца и вработени’’ ни изјави Силвана Петковска специјалист епидемиолог од Центарот за Јавно здравје во Струмица

Состојбата ќе се следи во наредниот период и доколку не се појават нови случаи на заразна жолтица можно е училиштето да биде отворено после 6 мај, велат од Центарот за јавно здравје од Стурмица, бидејки инкубациониот период на овој виурс трае минимум 15 дена. На инфективното одделение во моментов се хоспитализирани 4 деца чија здраствена состојба е добра

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.