Детски реквизити – лулашки, клацкалки и лизгалка, донација од пријателска општина Умраније, Р.Турција, се поставени во Меморијалниот детски забавен парк Методи Митев, лоциран пред Домот на културата во населеното место Василево.
Денес, паркот го посети градоначалникот на општина Василево Славе Андонов со дел од општинската адмиистрација, каде заедно посведочија на радоста на дечињата кои уживаа во играта и забавата во новиот, за нив уреден простор.
,,Детското катче е опремено со нови реквизити за рекреација на најмладите. Со ова се подобруваат условите и се создаваат нови катчиња за најмладите каде ќе можат да го минуваат своето слободно време. Благодарност до општина Умраније, Р.Турција, за оваа донација. Децата се нашата најголема радост и нашата иднина! За нив вреди целиот труд и посветеност Општина Василево да ја направиме поубаво место за живеење!,, објави градоначалникот Славе Андонов
Оваа донација, како што потсети градоначалникот на општина Василево Славе Андонов била ветена од страна на градоначалникот на општина Умраније, Р.Турција, при неговата посета на оваа општина од крајот од минатата година.
Според информацијата од Градоначалникот во општина Умраније, живеат многу наши иселеници, што е и една од причините за соработка меѓу двете општини.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
