Општина Василево склучи договор со фирмата ,,Евроградба Инженеринг” од Владевци која во наредниот период треба да изврши реконструкција на повеќенаменското игралиште при ООУ ,,Гоце Делчев” во Василево. По распишаниот тендер ова фирма достави најниска цена во конкуренција од вкупно пет компании од Струмица, Скопје и Мокрино кои учествуваа на јавната аукција. Сите градежни работи согласно техничката спецификација, фирмата од Владевци треба да ги реализира за 4 919 005 денари или за околу 80 илјади евра со вкучен ДДВ, што е за околу 400 илјади денари помалку од проценетата вредност.
Како што стои во договорот ,,Евроградба Инженеринг” треба да го отстрани сегашниот терен и оградата со сите елементи од повеќенаменското игралиште со површина од илјада квадратни метри и да постави нов асфалтиран терен, нова ограда, но и да бидат поставени самостоечки голови со мрежа, кошаркарски табли, како и да бидат поставени 4 корпи за отпадоци но и 4 метални клупи со наслон со две места за седење.
Рокот за реконструкција на повеќенаменското игралиште при ООУ ,,Гоце Делчев” во Василево е четири месеци откако изведувачот ќе биде воведен во работа. Средства за реализација на овој проект се обезбедени од Буџетот на општината. Теренот освен за потребите на училиштето ќе може да се користи и за одигрување на натпревари во мал фудбал, ракомет, баскет на отворено.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
