Школски го уловивме капиталецот, вели Полизовски кој со Христоманов од Дојранското езеро уловија сом од 50 килограми

2508

Членовите на друштвото ,,Корморани” струмичките стпортски риболовци Никола Полизовски и Александар Христоманов во водите на Дојранското Езеро уловија сом тежок точно 50 килограми. Како што ни изјави Никола потајно  со Александар очекувале ,, добар” улов но не верувале дека од езерото ќе извлечат капиталец. Полизовски ни објасни сомот го извлекле за 20 тина минути. На трската бил Христоманов а тој успеал да го извлече во чамецот

– Секој што оди по риба потајно се надева на капителец. Сомот го уловивме со техника бучкање со мамец жива риба. Бевме при крај со рибарењето кај Мрдаја и одеднаш повлече. Целиот процес на вадење траеше околу 20 тина минути. Кога го видовме не се исплашивме туку смогнавме сили да издржиме до крај. Христоманов го вадеше а јас го прифатив со ракавица за угсто и го подигнав во чамецот. Кога го извадивме си честитавме на школски завршената работа и си посакавме во идно време поголема риба,, ни изјави Полизовски

Двајцата и досега имале уловено сомови кои тежат од 20, 30  до 45 килограми но никогаш досега не извлекле сом од 50 килограми. Полизовски и Христоманов велат дека се рибари уште од мали нозе и дека љубовта кон спортскиот риболов е голема и немаат намера да се откажат од неа.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.