Дојран бара да донесе одлука Владата за забрана за престој на домашни и странски граѓани во ова место кои по лични документи не се жители на општината. Oдлуката да важи за време на прогласената вонредна состојба во државата. Предлогот доаѓа откако Советот на општината по препорака на Локалниот совет за превенција и Општинскиот штаб за заштита и спасување, констатирале зголемен број на лица кои дошле во викендиците и покажале интерес да престојуваат во Дојран за време на коронакризата.
,, Одлката е донесена поради тоа што во последно време имаме голем број на луѓе кои што доаѓаат во приватните викенд куќи, меѓутоа и лица кои барат сместување во приватните капацитети во овој период. Сакам да напоменам дека издавачите на приватни капацитети треба да знаат дека во овие кризни моменти треба да останат приземни и да ги почитуваа владините мерки за да се заштитиме и да го намалиме бројот на миграција од другни населени места кои што доаѓаат во Дојран’’, истакна градоначалникот на Дојран Анго Ангов
За да се намали раздвиженоста во ова турисичко место, општинските власти од подамна донесоа одлука за забрана за движење по сите зелени и рекреативни зони и туристички патеки кои беа едни од најпосетуваните места посебно за викендите. Затворени се и детските игралиште и спортските терени во Дојран а со одлука на Владата уште на почетокот на кризата затворен е и ГП Дојрани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
