Хотелот ,,Термал Лукс и Спа“ кај Бања Банско со работа ќе почне пролетва, отворени се работни места за повеќе позиции

3637

Хотелот ,, Термал Лукс и Спа’’ кај Бања Банско Струмица ќе биде ставен во функција во првите месеци од оваа пролет, најавија од менаџментот на ,,Подгорски Ан’’ кој од поранешниот хотел ,,Термица’’ што го купија, градат нов современ и модерен комплекс. Станува збор за хотел со капацитет од 100 легла кој ќе има и фитнес центар, надворешен медицински базен со 40 степени целсиузови топла вода, детско катче, ИТ катче но и дополнителни содржини.

Од таму информираат дека се прават последните подготовки за пуштање во употреба на хотелот ,,Термал Лукс и Спа’’ кој добива нов лик и  содржини преку Проектот за локална и регионална конкурентност на ЕУ и Светска Банка. Од таа причина отворени се работни места за повеќе позиции и тоа за менаџмент, работа во кујна од шефови до помошни кувари, садомијачи, потоа шанкери, келнери, рецепционери, собарки, хигиеничарки, но и за Спа центарот масажери, како и технички персонал но и за други позиции. Заинтересираните може да се обратат во Подгорски Ан.

Активностите за реновирање и реконструкција на хотелот беа во рамките на проектот ,,Култот на водата’’ при што се изврши реновирање и опремување на спа центар, реновирање и опремување на сала за конференции, реновирање и опремување на просторија за дегустација и консумација на органска храна и вино – винотека , поставување на урбана опрема во околината на хотелот и изработка на промотивни содржини за локалните туристички атракции и нивна промоција преку алманах. Инаку во рамките на овој проект има и рекреативна пешачка патека од ,,Подгорски Ан’’ кај Колешино до хотелот ,,Термал Лукс и Спа’’ до Бања Баснко во должина од 4, 8 километри

Како ќе изгледа новиот хотел кај Бања Банско можете да погледнете ТУКА

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.