Фото за КУП ТИТУЛА – Академија Пандев со фото сесија за финалето од КУПОТ против Македонија ЃП

466

Фудбалерите на Академија Пандев направија фото сесија за финалниот меч од КУПОТ што ќе се одржи идната среда на 22 мај на националната арена ,, Тодор Проески” во Скопје. Вообичаено ФФМ за секое финале подготовува билтен брошура преставувајки ги двата тима што ќе го одиграт завршниот натпревар од фудбалскиот Куп на Македонија.

Како што е познато Академија Пандев во финалето ќе игра со Македонија ЃП. Мечот е закажан во 18 часот и 30 минути.  За пандевци ова е прво КУП финале во сениорска конкуренција и имаат одлична можност со ТИТУЛА да ја потврдат годинашнава одлична фудбалска сезона преку која ќе дебитираат и во фудбалска Европа

До КУП финалето стасаа откако најпрво славеа против Лабуништа со 3:1. Во осминафиналето, избраниците на Југослав Тренчовски во двата меча беа подобри од штипска Брегалница со 6:3. Во четвртфиналето имаа среќа. Добија второлигаш за противник и тоа тимот на Кораби кои го поминаа со 9:2. Во полуфиналето од КУПОТ, Академијата го доби тимот на Победа од Прилеп и со 6:2 се пласираа во финалето

Освен целиот сениорски состав, пред апаратите на ФФМ позираа поединечно и сите фудбалери на Академија Пандев кои исто така ќе се најдат во брошурата за КУП финалето.

Инаку менторот на Академијата – Горан Пандев во изјава за Дрнка.МК истакна дека Академијата е проект кој има за цел да ги презентира младите фудбалери во Европа но истакна дека нема да се задоволи само со излезт туку дека требаат и резултати на европската сцена 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.