Како против ракот на кожата, кои се првите сиптоми и како се лекува – бесплатно предавање во Струмица

2944

Последниве години во земјава значително е зголемен бројот на пациентите со карцином на кожата. Заради честото и долготрајно изложување на сонцето и неговото штетно ултравиолетово зрачење, малигниот меланом зема се поголем замав кај населението пред се кај младата популација. Доколку не се интервенира навремено може да предизвика и поголеми проблеми кај пациентите.

Како да дознаеме дали имаме рак на кожа, кои се првите сиптоми, што треба да се прави, како да се заштитиме, се дел од прашањата што утре во Струмица во Центарот за култура Антон Панов (мала сала со почеток во 14 часот) ќе бидат елаборирани во рамките кампањата за подигање на  свеста кај населението за оваа болест, за нејзиното рано откривање, заштитата како и третманот на истата.

Ова кампања ја организира Универзитетската клиника за пластична и реконструктивна хирургија  од Скопје заедно со Министерство за здравство  а на пристуните ќе се обратат, д-р Софија Пејкова, пластичен хирург и директор на Клиника за пластична и реконструктивна хиругија и доктор Билјана Ахтарова  специјалист по дерматовенергологија од ПЗУ ,,Примадерма’’ од Струмица

Инаку Мај е месец за подигање на свеста за малигниот меланом на кожата кој се сретнува во земјава и бројот на пациентите е во постојан пораст. Најмногу го има кај младите и лицата кои се занимаваат со земјоделство

На предавањето  може да присуствуваат сите заинтересирани граѓани од Југоистокот каде ке можат да добијат информации за ракот на кожата и како најефикасно да се лекува. Предавањето почнува во 14 часот во мала сала при Ценарот за култура Антон Панов во Струмица

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.