Нема да се задоволиме само со излез во Европа туку треба и со европски резултати, вели Пандев по успехот на Академијата

1665

Основачот на Академија Пандев – струмичката интернационална фудбалска ѕвезда Горан Пандев не го криеше задоволството што сениорскиот состав избори излез во фудбалска Европа, откако го осигури третото место во домашниот фудбалски шампионат. Тој во изјава за Дрнка.МК вели дека се чуствува посебно среќен што целта на формирањето на клубот полека се исполнува, бидејки главен приоритет пред да го основат клубот било да се даде шанса на млади играчи и да се презентира струмичкиот односно македонскиот фудбалски потенцијал и во Европа

,, Се чуствувам многу среќен затоа што Академијата како фудбалски проект имаше и сѐ уште има јасна цел, која полека ја остваруваме. Тоа е давање шанса на млади играчи и што подалеку да стигнеме со промоција во Европа. Но, нема да бидеме задоволни само да играме во Европа туку да оствариме и европски резултати, односно треба што подалеку да стигнеме затоа што ова екипа тоа го може”, ни изјави Горан Пандев кој е и капитен на македонската фудбалска репрезентација

Академијата на Горан Пандев за неполна деценија направи огромен подвиг. За пет години од општинска лига стаса до Лигата на Европа. Фудбалерите на Југослав Тренчовски на три кола до крајот на Шампинатот испишаа историски успех. Прокнижаа 17 победи кои ги однесе во второто по квалитет европско натпреварување. Паралелно овој месец имаат можност да го освојат и КУПОТ . За противник го имат тимот на Македонија ЃП

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.