Утврдени приоритетите што да се работи во Југоистокот со милион евра што ги обезбеди ЦРПЈР

479

Утврдени приоритетните проекти кои ќе се реализираат во Југоистокот со пари обезбедени од Центарот за развој на овој плански регион од Швајцарската агенција за развој и соработка и Бирото за регионален развој. Граѓаните од десетте општини одлучија како приоритет од Грантовата шема но и од Програмата за рамномерен регионален развој да биде туризмот со изградба на планински велосипедски патеки но и инфраструктурни проекти кои ќе привлечат туристи во овој дел на државата

Станува збор за две програми од кои Центарот за развој на Југоисточниот плански регион обезбеди околу 65 милиони денари или милион евра. Од Грантовата шема финансирана од Швајцарската агенција за развој и соработка и Министерството за локална самоправа се одобрени 20 милиони денари кои според преставници на граѓански организации, бизнис секторот но и од општинските администрации како приоритет го истакнаа ,,Смарт вело регион” , потоа проектот ,,Енергетско ефикасен регион” и ,,Дојран регионална еко-оаза”.

Од Програмата за регионален рамномерен развој преставниците на Регионалниот Форум одлучија како прироитет да биде  проектот ,,Туризмот – иднина на регионот!’’ со кој се планира низа инфраструктурни проекти во општините од Југоистокот. Како втор го предложија ,,Културното богатство-наследство на идните генерации,,  како трет ,,Реконструкција на локалниот патен правец Стојаково Ѓавато а меѓу приоритетите е наведен и проектот Изработка на техничка документација за изградба на уредени велосипедски патеки во општините Конче Радовиш и Василево. Сите овие проекти треба да се најдат пред Советот на градоначалници од Југоисточниот плански регион кои треба да потврдат и одлучат за што ќе се потрошат парите во висина од околу 45 милиони денари од Бирото за регионален развој.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.