Планинари од Струмица, Гевгелија, Радовиш и Валандово тргнаа пеш за Скопје за да му оддадат почит на Борис Трајковски

1997

Планинари од Струмица, Гевгелија, Радовиш, Валандово тргнаа пешки од Струмица кон Скопје, за да му оддадат почит на трагично загинатиот претседател Борис Трајковски. Во наредните четири денови ќе поминат околу 200 километри, за да бидат присутни на одбележувањето на годишнината од смртта на Трајковски на гробиштата Бутел во Скопје, кој загина во авионска несреќа кај Мостар во БиХ.

 

Маршот го организира друштвото „Ентузијаст“ од Струмица, кое ќе го реализира и искачувањето на врвот Ботра на планината Беласица, висок 1.880 метри, именуван во чест на Трајковски. Најавени се 60-ина планинари од Македонија и Бугарија.

 

„Ова е само мал дел што ние планинарите можеме да го сториме за нашиот сограѓанин Борис Трајковски, кој ги сакаше сите спортисти и се гордееше со секој спортски подвиг“, кажа Никола Ристов од „Ентузијаст“.

Борис Трајковски загина на 26 февруари 2004 во падот на владиниот авион, со кој патуваше на меѓународна конференција во Бих.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.