Синоќа околу 21.00 часот на излезот од Банско кон населеното место Свидовица – струмичко, полициски службеници од СВР Струмица и Регионален центар за гранични работи Исток откриле 47 мигранти кои биле сместени во товарно моторно возило „фиат дукато“ со скопски регистарски ознаки, информираше МВР.
При контролата на возилото кое било паркирано на патниот правец, полицијата не го пронашла возачот кој го напуштил местото на настанот. Во товарното возило биле сместени мигранти од Авганистан, Пакистан и Ирак
За настанот е запознат јавен обвинител а лицата –мигранти се сместени во Прифатен центар за странци во Скопје и Привремениот транзитен центар во Гевгелија. Увид на местото на настанот извршила увидна екипа од СВР Струмица и се преземаат мерки за расчистување на случајот.
Ова не е прв случај на откриени мигранти на овој патен правец. Пред десетина дена дена беше уапсен жител од Дорломбос кој управувал камион а во кој имало 53 мигранти
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
