Фолк пејачот Јордан Митев од радовишко Подареш ова година одбележува 15 години постоење на македонската фолк музичка сцена. Уметникот кој зад себе има огромен број песни, албуми и настапи во земјава и странство, планира ова 2020 та година да ја одбележи со нов музички албум со десет авторски песни но и јубилеен концерт или во Скопје или во спортската сала во Радовиш со оглед дека потекнува од овој регион.
,, Точно ова година полнам 15 години на македонската музичка сцена за што сета моја енергија ќе биде насочена кон одбележување на овој мал јубилеј. Фокусиран сум на подготовка на нов албум со 10 песни кои ќе бидат авторски а во план е и јубилеен концерт чие место сеуште го утврдуваме. Размислуваме да биде во Скопје како центар на сите збиднувања или спротската сала Радовиш како град од кој потекнувам и родно место од каде ја црпам сета енергија,, ни изјави Јордан Митев кој деновиве постојано има настапи низ земјава
Митев вели дека е задоволен од својата кариера. Зад себе има оставено стотина авторски и преработени песни преточени во повеќе албуми. Постојано е ангажиран како во земјава така и во странство. За ова година вели дека ќе биде ангажиран претежно во Европа со оглед дека периодот кој измина беше и во Австралија . Вели дека песните ги креира за публиката и се дел од неговиот живот со посебна енергија и емоции.
,,Се трудам секоја песна да биде за публиката. Постојано вложувам за да понудам квалитет на сите што ја сакаат македонската фолк песна. Ова година планирам за новиот албум и да снимам нови видео записи во земјава и странство, бидејки сметам дека и покрај повеќегодишното опстојување на сцената, вистинскиот професионалец треба секогаш да дава нешто ново квалитетно на својата публика,, вели Митев
Тој деновиве го промовираше новиот сингл ,, Жена за 100 години,, зад која како комплетен автор стои Митев. Снимена е во студиото Анастасија а аудио продуцент е Љупчо Павловски. Станува збор одлична песна во која се пее за љубовта. Песната ќе биде дел од новиот албум за 15 годишнината од музичката кариера на Јордан Митев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
