Општина Василево деновиве склучи договор со фирмата Евроградба – Инженеринг од Владевци за изведба на крак од фекалната канализација во Ангелци во должина од 830 метри. Вредноста на овој проект изнесува 4 милиони и 423 илјади денари или околу 72 илјади евра. Фирмата од Владевци достави најниска цена на јавната аукција на распишаниот тендер на Општина Василево на кој аплицираа и други три фирми.
Како што не информираше градоначалникот на Василево Славе Андонов, станува збор за крак – Колектор К1 кој почнува од гробиштата во Ангелци и ќе се протега кон центарот на селото со можност на истиот да се гради дополнителна секундарна мрежа. Според техничката документација вдолж трасата треба да биде монтирани полиетиленски ребрасти коекструдирани цевки со двоен ѕид и полукружно ребро но и бидат поставени вкупно 20 шахти од кои 8 ке бидат на длабочина и до 2,5 метри.
Според склучениот договор, градежните работи треба да завршат во рок од осум месеци од денот кога економскиот оператор ќе биде воведен во работа или до средината на календарсакта 2025 година а плаќањето ќе се врши на месечно ниво по изведба на одредени ситуации на терен.
Првиот човек на Општина Василево Славе Андонов неодамна објави дека како општина аплицирале за изградба на фекална канализација во општинскиот центар Василево а паралелно во зависност од обезбедените средства ќе се гради канализациони линии и во други населени места. (В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
