Одбојкарките на Видое Подгорец седми во светот – потврдија дека Струмица е одбојкарски град

1025

Ученичките од ООУ ,,Видое Подгорец’’ од Струмица го освоија седмото место на Светското првенство во одбојка за тимови од основни училишта што се одржа деновиве во Пореч Хрватска. Со овој пласман, Струмица се потврди како одбојкарски град во женска конкуренција во светски рамки, во младинските погони. Девојчињата на професорите Иванчев и Спасов можеа да се најдат и во завршницата на првенството, но налетаа на кинески Тајпеј кој беше пречка за струмичанки во четвртфиналето

Девојчињата од ,,Видео Подгорец’’ на ова Светско првенство покажаа дека квалитетно се работи во Струмица уште во училишните сали. Во секој меч влегуваа со желба за успех и демонстрираа храброст, самодоверба и упорност на теренот. Дека не се екипа за потценување најавија во групната фаза. Таму славеа победи против преставничките на Естонија и Азербејџан а загубија од училишниот тим од Шпанија.  Како втори од групата Ц за пласман во четвртфиналето се сретна со Тајпеј од Кина но загубија

По поразот од Тајпеј следуваше и пораз од Видин од Бугарија  и за пласман на седмата позиција, струмичанки се сретнаа со домашната Осијек од Хрватска тим против кој славеа победа со што го освоија седмото место на овој шампионат. Ова е голем успех на ООУ ,,Видое Подгорец’’ од Струмциа , професорите Горан Иванчев, Зоран Спасов но и директорот на училиштето Леонид Танчев како и Федерацијата на училишен спорт на државата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.