До крајот на годинава или почетокот на идната се очекува да заврши санацијата на подот во спортската сала „Христо Татарчев“ во Ново Село. Струмичката Портланд ОПЦ ќе ја врши работите откако го доби тендерот во конкуренција на четири фирми по распишната јавна набавка на Министерството за спорт. Санацијата чини околу милион и педесет илјади денари.
Според склучениот договор меѓу Министерството за спорт и фирмата Портланд ОПЦ треба целосно да биде иструган постоечкиот двослоен буков пархет и соодветно полиран како и лакиран во три раце основен и двапатио со полумат лак. Изведувачот ќе мора да вгради пархетни медијапнаски лајсни но и да го обележи теренот за одбојка, кошарка и ракомет со набавка транспрот и вградување на сите матријали согласно дизјан од инвеститорот.
Со санацијата на подот ќе биде заокружена реконструкцијата на ова спортска сала која полека го добива својот сјај. Општина Ново Село и градоначалникот Ѓорѓе Божинов контуинирано инвестираат во салата за подобрување на условите за тренинг и одигрување на официјални натпревари. Летово со општински пари беа набавени шест клима инвертери за загревање но и ладење со што се реши проблемот со ниските температури преку зимскиот период или пак високите летни температури. Паралелно значително е подобрено осветлувањето како и соблекувалните во салата
Инаку спортската сала „Христо Татарчев“ во Ново Село ја користат голем број млади. Стана место каде конутинирано младите се рекреираат и спортуваат а најактивни се девојките од ЖОК Ново Село кои во оваа сала одигруваат и официјални одбојкарски натпревари под капата на ОФМ. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
