Милионски штети од пожарот во стопанскиот комплекс кај Ракиџиски мост во Струмица кој е изгаснат

1825

Пожарот кој избувна претпладнево во стопанскиот комплекс кај Ракиџиски мост на стариот пат на излезот од Струмица кон Радовиш е изгаснат. Засега сеуште нема официјална потврда како настанал пожарот во кој настрадаа магацини, работилници и погон за мебел. Блиски на корисниците на магацинските простории тврдат дека штетата е повеќе милиони денари, бидејки изгорени се целосно објектите во кој функционирале  фирмите а во кои имале готови производи како во погонот за мебел каде изгореле и сите машини така и во останатите магацини.

Во гасенењето на пожарот учествуваа пет возила на ТППЕ од Струмица и Радовиш кои не дозволија да се прошири по остантите објекти од овој комплекс на поранешен ЗИК Струмица и Траншпед Македонија. Во објектите фирмите имале свои магацински простори, сервис, буриња со моторно масло, работилници и погон за мебел.

Пожар кај Ракиџиски мост на излезот од Струмица кон Радовиш – изгореа магацини и погон за мебел (фото)

Надлежните кои излегоа на терен  треба да утврдат кои се причините за пожарот кој ги вознемири струмичани но и предизвика огромна матријална штета на корисниците на овој простор.

фото ТППЕ Струмица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.