Во четири општини од Југоистокот викендов ќе се реализира акцијата ,,Генералка викенд’’ што ја иницираше Мен енд Маунтен во соработка со Пивара Скопје и партнерство со Пакомак. Станува збор за акција која се спроведува во 26 општини. Таа денеска се реализираше во Валандово а веќе утре во општина Босилово каде заинтересираните ќе може да се вклучат во акцијата на чистење околу местото на живеење или пак организирано да чистат околу манастирот “Св.Климент и Наум Охридски“-Хамзали.
,,Излези и ти, собери го отпадот од твојата директна околина ипридонеси за поздрава и позелена иднина за сите. Младите и сите ние имаме право на здрав живот. Потребно е само љубов за почиста средина,, вели Гордана Софија дел од иницијативниот одбор при што упати порака секој граѓанин во рамките на своите можности да го собере отпадот околу неговата околина и да придонесе за чиста околина
Во недела акцијата ќе се реализира во општина Струмица со почеток во 9 часот. Ќе се чисти во индустриската зона Агроберза зад БОНИ интерградба. Во Гевгелија чистењето ќе се одвива кај археолошки локалитет „Вардарски рид“ , влезот во Гевгелија помеѓу пруга и Шимов (зелена површина) и месностана Стара Касарна Гевгелија. Додека во општина Конче ,, Генералка викенд’’ ќе има околу езерото Мантово во 9, 30 часот
,, Целта е да собереме што е можно повеќе отпад кој потоа ќе се носи до најблиската ПАКОМАК или локална станица за отпад. Со секои 10 кг отпад, придонеси во засадувањето на новите пристапни шуми “СОНЧЕВА ГОРА” – национални зелени споменици што ќе растат секоја година. Во оваа акција ќе се вклучат многу поддржувачи, како Министерството за животна средина, Министерството за земјоделство, претставници на дипломатскиот кор, повеќе од дваесет општини, училишта и локални поддржувачи, спортски клубови. Акцијата за чистење ГЕНЕРАЛКА ВИКЕНД 2022, е една од активностите кои ги спроведуваме за да придонесеме во подигнување на јавната свест за потребата од собирање и рециклирање на отпадот и позитивно да влијаеме за зачувување на животната средина,, велат од Мен енд Маунтен
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
