Лани скапуваше по нивите, годинава руши рекорди, зелката во Валандово се откупува по 25 денари за килограм

107

Заради огромната побарувачка на зелка на европските пазари, откупната цена во валандовско гевгелискиот регион деновиве стаса и до 25 денари за килограм што е незапаметено во последните десет дваесет години коментираат земјоделците кои беа навикнати родот да го предаваат постојано од 3 до 10 денари за килограм. Речиси сите пунктови во валандовско се отворени и се откупува зелка што не беше случај минатата година кога зелката скапуваше по нивите

,, Ваква цена сме немале во последните десет може и повеќе години. Ние викаме дека ова е премија бидејки догодина повторно нема да биде толку висока цената. За жал годинава потфрли родот пред се поради огромната есенска суша, можеби и тоа е една од причините за огромниот интерес, бидејки и овде нема многу зелка”, коментираше Боне Божинов од валандовско Јосифово

Во валандовоско речиси сите земјоделци се по нивите да го соберат родот со зелка кој ова сезона го има на околу 100 хектари . Заради немањето откуп и слабите откупни цени последниве години, како што тврдат земјдоелците површините со зелка се преполовени и очекуваат веќе догодина повторно да се зголемат.

,, Се појави недостиг на зелка на речиси сите пазари во Европа бидејки потфрли родот кај поголемите европски производители па сите се насочија кон валандовско гевгелиската зелка. Цената е резултат на понудата и побарувачката и тука нема ништо нелогично. Најмногу има извоз за земјите од поранешна Југославија, Романија, Унгарија, Белорусија а знам дека фале зелка и на скандинавскиот пазар каде исто така има извоз”, коментираа откупувачите од Валандово

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.