Парите за новогодишно украсување, Валандово ќе ги пренасочи за Центарот за деца со попреченост во општината

1004

Општина Валандово распиша оглас за новогодишно украсување, но по реакции на валандовчани се предомисли. Средствата од половина милион денари што биле за таа намена,  општината сега планира да ги намени за Дневниот центар за децата со попреченост објави градоначалникот Костадинов.

Инаку со половина милион денари, општинските власти планираа симболично да го украсат булеварот Првомајска, улица Моша Пијаде, градскиот парк Пеонија  и плоштадот со шеталиштето. Според  тендерската документацијата во Валандово требаше да биде псотавена новогодишна елка од 9 метри, новогодишна светлосна фигура во паркот,  да бидат поставени околу 80 тиниа светлосни портали и топки на улиците, да бидат осветелени и украсени палмите и жардинериите и металните столбови.

,,По реакциите на граѓаните, општина Валандово нема да одвои средства за новогодишно украсување ова година. Овие средства ќе предложам да бидат пренаменети за уредување на нови простории за потребите на Дневниот центар за деца со попреченост од нашата општина,, објави градоначалникот Перо Костадинов на својот ФБ профил

Општина Валандово огласот за набавка преку Бирото за јавни набавки го објави на 17 ноември.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.