Искусниот Митко Караиванов и младиот Васе Наков го засилуваат Астраион за да Струмица биде во врвот на ракометната Прва лига

3196

Струмичкиот ракометен прволигаш ,,Астраион’’ ги продолжува подготовките за новата сезона во која најавуваат пласман во плеј офот.По подготовките во Бугарија сега работат во Струмица на теретана и воигрување во сала. Новина е што на овој клуб му се приклучи искусниот Митко Караиванов од Богданци  кој зад себе има огромно искуство но и Васе Наков кој беше дел од погоните на ракометниот гигант Вардар.

Паралелно познат е распоредот на мечевите за новата првенствена прволигашка сезона. РК Астраион се најде во групата 1 која ќе брои 10 екипи. Ќе биде во друштвото на Јуниор К.В., Вардар Неготино, Куманово, Македонија ЃП, Младост 09, Прилеп 2010, РК Алушевски, Риниа М и Текстилец.

Шампионатот во Првата лига почнува на 14 односно на 15 септември а новата сезона ,,астраионци’’ ја отвараат со богданскиот ,,Младост 09’’ во гости а промоцијата пред своја публика ќе ја имат со Вардар Неготино.

Лани малку недостасуваше  струмичките ракометари да се најдат во прволигашкиот плеј офф во каде пласман ообезбедуваат четирите најдобри екипи од двете групи

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.