Искасапил коњ, го фрлил во канализационата мрежа при што предизвикал штети и застој на Пречисителната станица во Струмица

1608

Несовесен граѓанин или граѓани деновиве фрлиле остатоци од искасапен коњ во системот за фекална канализација на Струмица кои предизвикале краток застој на работата на Станицата за прочистување на отпадните води. Остатоците од коњот заглавиле на влезната решетка на станицата што предизвикало и матријална штета.  Веста ја потврдија од струмички Комуналец од каде се изненадени од неодговорното однесување на одредени поединци и информираа дека дефектот се санира

,, Дефектот се санира. Беа заглавени остатоците од коњ кои предизвикаа оштетувања на грубата влезна решетка. Беа заглавени коски, главата од животното, внатрешните органи. Пречистителната станица за отпадни води и покрај сите проблеми нормално ја извршува својата функција. Целиот настан е пријавен до комуналниот инспектор на општината. Изненадени сме од ваквата непромислена постапка и апелираме до гражаните за совеснот и одговорно однесување кон канализационата мрежа’’ ни изјави Митко Зимбаков раководителот на станицата при  струмички Комуналец кој инфомрираше дека на истата решетка биле заглавени две мртви кучиња

Од Комуналец не може да конретизираат од кој дел на градот дошле остатоците од коњот. Според нив некој насилно го има отворено капакот на канализационата шахта од мрежата за одведување на отпадните фекални води и ги фрлал остатоците од искасапениот коњ.

Пречистителната станица во Струмица се градеше со средства од ЕУ во висина од 6.5 милиони евра а ја изведуваше германската ,,Вете – Е’’. Станува збор за современа станица во која е имплементирана најсовремена технологија за третман на отпадните води на чии објекти пред неколку месеци беа насликани мурали симболизирајки го значењето на водата

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.