Гевгелиски „Мултус“ промовираше Дигитален прирачник за нештата кои не ги знаеме за нашето виртуелно однесување а треба да се знаат !

402

Центарот „Мултус“ од Гевгелија го промовираше Дигиталниот прирачник за  „Нешта кои можеби не ги знаеме за нашето виртуелно однесување“ со кој сака младите да го имат при рака и да добијат појасна слика кога навлегуваат во дигиталниот свет кој стана неминовен во време на развој на технологијата. Станува збор за прирачник кој дава одговор на многу теми и дилеми кога сме на интернет, различни дигитални платформи, за да знаеме, бидеме подготвени, кои се предизвиците, опасностите, придобивките но и заштитата во виртуелниот свет. Лилјана Танчева од „Мултус“ кој го имплементира проектот,, Нештата кои можеби не ги знаеме за нашето виртуелно однесување“, вели  дека ова публикација е со цел да имаме дигитално писмени пионери кои ќе бидат критички настроени но и контролори на дигиталниот свет.

„Патувањето за изработка на овој прирачник за дигитална писменост за Gen Z и Gen Alpha беше труд од страст. Во свет каде што секој клик е важен, сакавме да создадеме мини водич, мал потсетник, кој не само што ќе ја демистифицира дигиталната област, туку и ќе запали искра кај секој читател. Овој прирачник е лична покана до Gen Z Gen Alpha да истражуваат во дигиталниот пејзаж. Тоа не е само публикација; тоа е одраз на нашата посветеност како центар за едукација и активизам, да негуваме генерацији на дигитално писмени пионери. Силно веруваме дека денешните клинци го редефинираат наративот на иднината, само им треба подадена рака ако некаде залутаат, не попување.“, вели Танчева

Дигиталниот прирачник како што вели првиот човек на „Мултус“ ќе Ве „прошета“ низ 12 теми, за кои веќе се зборуваше Александар Динве во  ТикТок во кампањата од проектот, инспирирани од секојдневни сопки по интернетот. Многу често паѓаме на нив, не е лошо да се има најава за тоа што може да следи, па да може полесно да се препознае.

,, Прирачникот, иако досаден збор, не е водичот на баба, верувајте ни! Создаден е од теми кои ги гледаме на ТикТок, резулатат е на успешна кампања која ја спроведувавме со Динев за чување на својот дигитален идентитет и сите примери внатре се од реални ситуации, затоа што интернетот е ролеркостер. Може да висе најде во декодирање на дигиталната џунгла, ако некаде нешто „не мириса“ како што треба, ќе знаете да го препознаете. Сметајте го како бекстејџ пропусница до „аха“ патување во сајбер-просторот.“ Лилјана Танчева, креатор на брошурата и тематски експерт на проектот „Нешта кои можеби не ги знаеме за нашето виртуело однесување“ смета Лилјана Танчева автор на Прирачникот кој  можете го видете со кликање на сликата или да го видете ТУКА .

Проектот  „Нешта кои можеби не ги знаеме за нашето виртуелно однесување“ траеше осум месеци при што младите низ повеќе начини се информираа  за одредени работи во дигиталниот свет кој треба ние да го контролираме а не да бидеменегови жртви.  Во рамките на истиот беа изработени 12 видеа на Тик Ток каде малдите можеа преку Александар Динев да се запознаат со ,,колачињата“, за фишингот, што не треба да дозволиме на аплиакциите и детоксикација на нотификациите , заштита на податоци како и за други ефекти и поими кои се секојдневност во дигиталниот свет

Беше организиран настан каде малдите имаа можност да се запознаат со инфлуенсери, тиктокери со кои се дебатираше за на темии како да се справаат со сајбер насилството , како паметно да ги користат социјалните мрежи,  што се сервира на нив и како да да ги контролираат. Стотина млади од Југоистокот беа на конференцијата соочувајки се со лицата од другата страна на екранот. Од сето ова произлезе и дигиталниот прирачник кој треба младите да го имаат и одвреме навреме да се потсетат за нештата со кои се соочуваме во виртуелниот свет. Инаку проектот е со поддршка на Европската Унија  со цел да се зголеми свеста и чекорите кај младата популација кога се на социјалните мрежи.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.