Гевгелиски ,,Кожуф” ги почна подготовките за пролетниот дел и нема да се откаже од првите две места кои водат во Прва лига

439

Гевгелиски ,,Кожуф’’ ги започна подготовките за пролетниот дел од првенството и нема да се откаже од борбата за пласман на првите две позиции во источното второлигашко фудбалско натпреварување, преку кои може да се обезбеди прволигашки статус, првата директно а втората преку бараж натпревар.  Стратегот на гевгеличани Васко Беќаров вели дека вкупно 5 екипи рамноправно конкурираат за повисог ранг на натпреварување меѓу кои и ,,Кожуф’’ кој во есенскиот дел покажа квалитет

,,Во Втората лига Исток  има пет екипи кои се со изедначен квалитет и очекувам неизвесно првенство за првите две места до самиот крај. Очекувам оваа екипа на ФК ,,Кожуф’’ да бележи уште подобри резултати и да биде до самиот крај конкурентна за тие две позиции,, ни изјави Беќаров

Подготовките за пролетниот дел од второлигашот ,,Кожуф’’ ги почна во неделата и истите ќе се одвиваат на градскиот стадион во Гевгелија. Составот останува идентичен како и во есенскиот дел. Закажани се 6 пријателски натпревари. На 25 ти јануари силите ќе гиодмерат со ,,Кит Го’’, на 5 ти февруари со ,,Победа’’ а три дена подоцна со ,,Борец’’. На 12 ти февруари  пријателски меч ќе одиграт со ,,Осогово’’ а на 15 ти со Слога од Виница. Контролките ќе ги завршат со струмичка Беласица на 22 февруари

Прашан дали ,,Кожуф,, може да стане прволигаш и во Гевгелија да се игра прволигашки фудбал, Беќаров одговори тоа е следна цел на целото раководство на клубот.

,, Кожуф е еден од најстарите клубови во Македонија. Наша цел во клубот беше да го направиме стабилен второлгиаш со акцент на млади категории и домашни играчи, во што успеавме а една од желбите и наредна цел на сите во клубот ни е до прославата на стогодишнината од формирањето на клубот која ќе биде за две години да го внесеме ,,Кожуф’’ во Прва лига,, изјави за Дрнка.Мк Беќаров

(ФК Кожуф од последната натпреварувачка сезона)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.