Во Пиперево финишира изградбата на фекална канализација, деновиве ќе се гради нов крак и во Василево

569

Во населеното место Пиперево се гради последниот крак од фекалниот канализационен систем. Вака објави граодначалникот на општина Василево Славе Андоно. со што се отвора можноста сите домаќинства од ова населено место да се приклучат на системот

,,Ова е историски момент, бидејќи ова е проект долгоочекуван и неопходен за секојдневното живеење на граѓаните од Пиперево. Со овој проект настапив и на Локалните избори 2021 година како ветување и врз основа на тоа ја добив довербата од граѓаните да ја водам општина Василево. Повеќе нема да има излевање на септичките јами а со тоа ќе се заштити животната средина.“, стои во објавата на првиот човек на општината Славе Андонов

Како што соопштува Андонов, овие денови треба да започне и изградбата на нов крак од фекалната канализација и во Василево со што етапно се решава проблемот и во ова населено место. Имено во Василево изведен е еден крак од 753 метри на потегот од Домот на Културата кон излезот на селото.

,,Мојата интенција е до крајот на  мојот мандат  во населеното место Василево да се изгради повеќе од 60 % од фекалната канализација. Со реализацијата на овој проект но и на сите останати проекти покажуваме дека наш интерес, наш приоритет се потребите на граѓаните“ рече тогаш градоначалникот Андонов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.